أهلا وسهلا بك زائرنا الكريم في منتدي فتكات، لكي تتمكن من المشاركة ومشاهدة جميع أقسام المنتدى وكافة الميزات ، يجب عليك إنشاء حساب جديد بالتسجيل بالضغط هنا أو تسجيل الدخول اضغط هنا إذا كنت عضواً .







تعويد الطفل على البوتى او التواليت مهم جدا

تعويد الطفل على البوتى فتكات مراحل تعليم الطفل pottey او التواليت او الحمام بالعربي يعني هههههههههه جينا لمشكله المشاكل ..



13-02-2021 09:38 مساء
fatakat
المشرف العام
معلومات الكاتب ▼
تاريخ الإنضمام : 08-01-2021
رقم العضوية : 1
المشاركات : 16647
الدولة : مصر
الجنس : أنثى
تاريخ الميلاد : 1-11-1991
يتابعهم : 3
يتابعونه : 12
الإجابات المقدمة: 1
قوة السمعة : 130
موقعي : زيارة موقعي
 offline 

تعويد الطفل على البوتى فتكات

مراحل تعليم الطفل pottey او التواليت او الحمام بالعربي يعني هههههههههه
جينا لمشكله المشاكل والضرب والخناق والقله الادب ههههههه الطفل لازم يمر ب6 مراحل عشان يتعلم البوتى ايه هم ولو مش مر بمرحله من دول او عداها بيكون فى غلط ومش هيستجيب انه يعمل لوحده لازم نلاحظ مروره بكل المراحال دى ضرورى جداااااااااا
1-لازم نقول للطفل احنا عوزين منه ايه يعنى لازم نقوله بكل وضوح مثلا انت كبير ولازم تعمل فى البوتى زينا وان ماما وبابا او اقرب حد ليه يكون يحبه اوى هيكون مبسوط اوى او لازم تعمل هنا عشان نجبلك حاجه حلوه اقصد لازم نحفزه بالكلام لازم كل مره تحفيز مختلف عن اللى قبله يعنى تحفيزات كتيره وجامده يعنى ارض جو عشان الطفل يتحمس للموضوع ودا هيكون عن طريق الكلام وانك تقعديه كل يوم شويه فى اوقات محدده سواء عمل او معملش يعنى لو مش عمل واول ما قام ام عامل على نفسه مش تتخانقى عادى خالص قوليله كان نفسى تعمل هنا عشان تاخد شيكولاته مثلا فهمتوا مجرد توجيه وكلام بس
2-تانى حاجه ان الطفل يفهم انتى عيزه ايه منه مثلا انه بيتدى يكلمنا فى الموضوع مثلا كنتم عند ضيوف ودخلته تغسلو اديكوا تلاقيه بيشاور على التواليت او بيخلى اللعبه بتاعته تمثل انها بتعمل تواليت كده يبقى انتى ماشيه صح والولد بدا يفهم يعنى ايه تواليت ولو دا مش حصل يبقى لسه مش فهم ومينفعش نعدى المرحله دى للمرحله التالته غير لما يكون فهم
3-ان الطفل يعمل على نفسه ويجى يقولك دا معناه انه عدا اول مرحلتين مزبوط وانه فهم ان دا غلط كتير من الامهات يفتكروا انه بيعاندهم يقولوا ولما انت عارف انه غلط بتعمله ليه مش ينفع كده اه هو عارف بس ممكن يكون كان ناسى او اتشغل بالعب او مش افتكر الا اما عمل الموضوع مش بيكون لسه كامل ميه فى الميه فلما يقول انه عمل دا كويس لانه الاول مش كان بيقول فلازم الام مش تتعصب ولاتكشر ولا اى حاجه تقول بس المره الجايه ياريت تعمل فى التواليت وبرضه مش ننسه التحفيز
4-الطفل بيعمل مره ومره لا المرات اللى نجح فيها نعمله حفله وهيسه ونقول للرايح والجاى وهدايا هههههههههههههههههههههههههه ما تقوليش باض بيضه دهب ههههههههههههههه ونحسسه انه عمل انجاز زى بناء السد العالى كده هههههههههه واامره اللى يعمل على نفسه مش نتخانق خالص وندارى عليه ونقوله ينهار طب تعالى نغير بسرعه قبل ما حد يشوفنا اوعى تقول لحد يارب ما حد يشوفنا ومنقولش لحد قدامه خالص بالعكس نقول انه كان شاطر النهارده وبيعمل فا البوتى مش هتتخيلىى الدكتور محمد رفعت قال ايه على النقطه دى قال ان الطفل بيشيلك الجميل دا وبيقى عايز يعمل فى البوتى عشان يردلك اللى انتى خبيتى الموضوع مش فضحتيه اما عيال ههههههههههه
5- الطفل بيتحكم ف نفسه بالنهار ويفشل بالليل فلازم فى المرحله دى نصحى الطفل بالليل مش كتير طبعا مره او 2 وندخله الحمام حتى ولو هو نايم على نفسه عادى قعديه كده زى ما هو مش لازم يصحى اوى ودا طبعا غلط بتقع فيه معظم الامهات انه يصعب عليهم انه يصحوا الطفل دا غلط لان دا جزء من المرحله مش لازم يعديه اه والصحيان يكون فى نفس المواعيد كل يوم بعد كده هو هيتعود وتلاقيه صحى من نفسه وجاى يقولك عايز اعمل لكن لو مش عملتى كده لا هيتعود ولا حاجه ومش هيعدى للمرحله اللى بعدها
6- التحكم باليل والصبح وفى المرحله دى واللى قبلها لازم الطفل مش ياكل ولا يشرب قبل النوم ب 1 ونص او 2 ساعه عشان نساعده
كل مرحله من دول يتاخد فى المتوسط شهر ممكن اقل او ازيد شويه والطفل بيدا تعود على البوتى فى سن 2 سنه يعنى المفروض يعمل لوحده وهو عنده 2 سنه و6 شهور معلومه تانيه مش مععنى كده ان الطفل اللى عنده 2سنه و6 شهولر خلاص بقى متحكم ميه الميه زى الكبير لا لازم يعدى كما 6 شهور عشان نقدر نقول انه مش بقى صغير عشان يعمل على نفسه وقبل كده مش ينفع نقول كده خالص

تمام كده ياحبيبتي كل حاجه واضحه ؟

آخر مواضيع القسم

تقييم الموضوع:
الرجاء تقييم الموضوع
تعويد الطفل على البوتى او التواليت مهم جدا
5 من 5 بواسطة: 1 تقييمات




الأعضاء الذين شاهدوا الموضوع: 0
لم تتم مشاهدة الموضوع من قبل اي عضو حتى الآن ..

الكلمات الدلالية
تعويد ، الطفل ، البوتى ، التواليت ،


 







الساعة الآن 05:00 مساء


وسوم المنتدى