سنن نبوية مهجورة🥺

السلام عليكم و رحمة الله و بركاته 

هتكلم معاكم النهاردة عن الجزء الأول من السنن النبوية المهجورة ...السنة النبوية منهج حياة مش مجرد كلام بنقوله عشان ناخد حسنات...احنا لو بنحب حد بنحب نكون زيه و لو بنحترم حد ف برده بنحب نكون زيه...و طبعا مش هنلاقي حد نحبه اكتر من سيدنا محمد صلى الله عليه و سلم فنزداد شرفا ان نقتدى به فى صفاته و اخلاقه و اعماله .. كمان نستشعر طول الوقت قربنا من الله و احنا بنعمل السنن دى و اد ايه ربنا هيكون راضي عنا و فرحان بينا و احنا فاكرينه فى كل خطوة فى حياته و بنذكره و بنشكره دايما على كل نعمه علينا ...اتمنى تقروا الكلام ده بقلوبكم و تستشعروا المغزى من اتباع السنة النبوية ...هبدأ معاكم بشوية سنن محتاجينها الفترة دى اكتر من أى وقت تانى :
١. الجو دلوقتى حر جدا فى معظم البلدان تقريبا ...طيب ايه السنة الى ممكن نتبعها فى الظرف ده؟؟ ها حد يعرف؟؟

 قال رسول الله صلي الله عليه وآله وسلم: «إذا كان يومٌ حار ألقى الله تعالى سمعه وبصره إلى أهل السماء وأهل الأرض، فإذا قال العبد: لا إله إلا الله، ما أشد حر هذا اليوم، اللهم أجرني من حر جهنم، قال الله عز وجل لجهنم: إن عبدًا من عبادي استجارني منك، وإني أشهدك أني قد أجرته، فإذا كان يومٌ شديد البرد ألقى الله تعالى سمعه وبصره إلى أهل السماء والأرض، فإذا قال العبد: لا إله إلا الله، ما أشد برد هذا اليوم، اللهم أجرني من زمهرير جهنم، قال الله عز وجل لجهنم: إن عبدًا من عبادي استجارني من زمهريرك، وإني أشهدك أني قد أجرته. فقالوا: وما زمهرير جهنم؟ قال: بيتٌ يلقى فيه الكافر فيتميز من شدة بردها بعضه من بعضٍ«.. رواه البيهقي في الأسماء والصفات.

يبقي الخلاصة اننا نقول فى الفترة دى : " لا إله إلا الله ما أشد حر هذا اليوم اللهم أجرنى من حر جهنم"  و الى يقول كدة ربنا يحميه من عذاب النار يوم القيامة☑


٢. صيام شهر الله المحرم الى احنا فيه دلوقتى 
قال رسول الله -صلى الله عليه وسلم-: (أَفْضَلُ الصِّيامِ، بَعْدَ رَمَضانَ، شَهْرُ اللهِ المُحَرَّمُ) ...طب ايه الأيام الى ممكن نصومها؟؟
ممكن نصوم بكرة الاثنين ١٦ اغسطس و ممكن نصوم لانه يوم ترفع فيه الاعمال☑
و نصوم الثلاثاء ١٧ اغسطس لانه يوافق تاسوعاء☑
و نصوم الاربعاء ١٨ اغسطس لانه يوافق عاشوراء☑ 
و نصوم الخميس ١٩ اغسطس لانه يوم ترفع فيه الاعمال☑
و نصوم السبت و الاحد و الاثنين ٢٠ و ٢١ و ٢٢ اغسطس  لانها الايام البيض☑

و فى النهاية اتمنى انكم تقرءوا موضوعى و انه يعجبكم و تطبقوا السنن دى و تدلوا اهلكم و اصحابكم عليها و اذا لقيتكم حبيتوا الموضوع و فيه اقبال عليه هكمل باذن الله
دمتم فى رعاية الله و رحمته و نعمته
السلام عليكم و رحمة الله و بركاته